Raposos, cabalos, xabarís… o Proxecto Rebinxe vén de publicar un resumo dos principais animais capturados polo seu “fototrampeo” na lucense Serra do Xistral. O resultado é un vídeo de máis de 13 minutos de duración no que van desfilando, ante a lente, dende cabalos salvaxes, ao mítico xabarín e mesmo un raposo que se detén, curioso, ante o obxectivo. Toda unha mostra da biodiversidade que agarda, secreta, máis alá das vilas e as cidades.